ఈ రోజుల్లో ప్రతిదానికీ ఆధార్ కార్డు తప్పనిసరి. ఆధార్తో మీరు బ్యాంక్ ఖాతా తెరవాలి, సిమ్ కార్డ్ పొందాలి లేదా ఉద్యోగం కోసం దరఖాస్తు చేసుకోవాలి. దీంతో కొందరు సైబర్ మోసగాళ్లు ఆధార్ వివరాలను దుర్వినియోగం చేసి బ్యాంకు ఖాతాలోని సొమ్మును దోచుకుంటున్నారు. ఆధార్లోని బయోమెట్రిక్ సమాచారాన్ని ఇతరులు యాక్సెస్ చేయకుండా రక్షించడానికి ఒక మార్గం ఉందని మీకు తెలుసా? మీరు ఎప్పుడైనా ఈ లాక్ని మళ్లీ అన్లాక్ చేయవచ్చు. అదేంటో ఈ స్టోరీలో చూద్దాం.
ఆధార్ లాకింగ్ మరియు అన్లాకింగ్ ప్రక్రియ: కొత్త సిమ్ కార్డ్ కొనుగోలు చేసేటప్పుడు, బ్యాంక్ ఖాతా తెరవడానికి, సామాజిక భద్రతా పథకాలను పొందేందుకు మొదలైనప్పుడు ఆధార్ కార్డ్ అవసరంగా మారింది. అవసరమైతే వేలిముద్ర వివరాలతో పాటు ఆధార్ను అందజేస్తాం. వాటిని ఉపయోగించి సైబర్ నేరగాళ్లు మోసాలకు పాల్పడుతున్నారు. ఆధార్ డేటాను సేకరించి రకరకాలుగా డబ్బులు దోచుకుంటున్నారు.
ఇలాంటి సైబర్ మోసాలు జరగకుండా ఉండాలంటే ఆధార్ని బ్లాక్ చేయడం ఉత్తమం. అవసరమైతే అన్లాక్ కూడా చేసుకోవచ్చు. ఈ ఫీచర్ని యూనిక్ ఐడెంటిఫికేషన్ అథారిటీ ఆఫ్ ఇండియా (UIDAI) ఇటీవలే ప్రవేశపెట్టింది. ఇది మీ ప్రమేయం లేకుండా ఇతరులు మీ ఆధార్ను ఉపయోగించకుండా నిరోధిస్తుంది. అయితే ఆన్లైన్లో ఈ లాక్/అన్లాక్ చేయడం ఎంత సులభమో ఇప్పుడు చూద్దాం.
మీ ఆధార్ కార్డ్ పోయినా లేదా దొంగిలించినా లాక్ చేయడం వల్ల మీ వ్యక్తిగత సమాచారాన్ని ఇతరులు యాక్సెస్ చేయలేరు. అదనంగా, సైబర్ మోసం చేయడం అసాధ్యం. మీరు దాన్ని మళ్లీ తీసుకోవడం ద్వారా కొత్త ఆధార్ కార్డ్ని అన్లాక్ చేయగలరు. ఇది లాక్/అన్లాక్ ప్రక్రియ.
ఆధార్ లాక్ ప్రాసెస్(Aadhaar Lock process) :
- ముందుగా మీరు UIDAI అధికారిక వెబ్సైట్ (www.uidai.gov.in) లేదా మై ఆధార్ పోర్టల్ ను ఓపెన్ చేయాలి.
- ఆ తర్వాత స్క్రీన్పై కనిపించే లాక్/ అన్లాక్ బయోమెట్రిక్ ఆప్షన్పై క్లిక్ చేయాలి.
- అందులో లాక్/అన్లాక్ ఎలా ఉపయోగపడుతుందనే వివరణ ఉంటుంది. ఆ పేజీలో కనిపించే నెక్ట్స్ ఆప్షన్పై క్లిక్ చేయాలి.
- వెంటనే ప్లీజ్ సెలెక్ట్ టూ లాక్ ఓపెన్ అవుతుంది. కింద ఉన్న టర్మ్స్ బాక్స్లో టిక్ చేసి నెక్ట్స్పై క్లిక్ చేయాలి.
- ఆ తర్వాత మీ ఆధార్ నంబర్, క్యాప్చాను పూరించండి. అనంతరం మీ రిజిస్టర్డ్ మొబైల్ నంబరుకు ఓటీపీ వస్తుంది.
- ఓటీపీని ఎంటర్ చేసిన తర్వాత ఎనేబుల్ లాకింగ్ ఫీచర్పై క్లిక్ చెయ్యాలి. అప్పుడు మీ ఆధార్ కార్డు లాక్ అవుతుంది.
ఆధార్ అన్ లాక్ ప్రాసెస్(Unlocking Aadhaar) :
- ముందుగా మీరు UIDAI అధికారిక వెబ్ సైట్ (www.uidai.gov.in) లేదా మై ఆధార్ పోర్టల్ను ఓపెన్ చేయాలి.
- ఆ తర్వాత స్క్రీన్పై కనిపించే లాక్/ అన్ లాక్ బయోమెట్రిక్ ఆప్షన్ పై క్లిక్ చేయాలి.
- ఆ తర్వాత మీ ఆధార్ నంబర్ ఎంటర్ చేయండి.
- అప్పుడు మీ రిజిస్టర్డ్ మొబైల్ నంబర్కు ఒక ఓటీపీ వస్తుంది. దానిని కూడా ఎంటర్ చేసి లాగిన్ అవ్వండి.
- ఆ తర్వాత మీరు అన్ లాక్ బయోమెట్రిక్ ఆప్షన్పై క్లిక్ చెయ్యండి.
- అప్పుడు మీ ఆధార్ అన్ లాక్ అవుతుంది.