ముఖ్యమైన అంశాల్లో భారత్‌తో కలిసి పనిచేయడానికి కట్టుబడి ఉన్నామని కెనడా ప్రధాని జస్టిస్ ట్రూడో చెప్పారు. ఇటాలియన్ పుగ్లియాలో జీ7 సదస్సు జరగనున్న సంగతి తెలిసిందే. సదస్సుకు హాజరైన ప్రధాని మోదీతో శుక్రవారం జస్టిన్ ట్రూడో సమావేశమయ్యారు. ఆ తర్వాత ఒక్కరోజులోనే ఆయన ఇలాంటి వ్యాఖ్యలు చేయడం గమనార్హం.

రెండు దేశాలు అనుసరించాల్సిన క్లిష్టమైన సమస్యల గురించి ఆయన వివరించలేదు, అయితే ముందుకు సాగే ముఖ్యమైన సమస్యలను పరిష్కరించడానికి భారతదేశంతో కలిసి పనిచేయడానికి తాను కట్టుబడి ఉన్నానని చెప్పారు.ఖలిస్థాన్ వేర్పాటువాద నాయకుడు హర్దీప్ సింగ్ నిజ్జార్ హత్యలో భారత్ ప్రమేయం గురించి కెనడా ప్రధాని చేసిన వ్యాఖ్యలు రెండు దేశాల మధ్య దౌత్యపరమైన గొడవకు దారితీసిన సంగతి తెలిసిందే. మే నెలలో కెనడా అధికారులు ఈ కేసుకు సంబంధించి ముగ్గురు భారతీయులను అరెస్టు చేశారు.