హైదరాబాద్ లో మరోసారి పట్టుబడ్డ డ్రగ్స్

ఎస్‌వోటీ పోలీసుల దాడుల్లో పట్టుబడ్డ‌ గంజాయి, ఎండీఎంఏ
కూకట్‌పల్లి ప‌రిధిలో రెండు వేర్వేరు ప్రాంతాల్లో ఏక‌కాలంలో అధికారుల సోదాలు
పోలీసుల అదుపులో న‌లుగురు నిందితులు

హైదరాబాద్ నగరంలో డ్రగ్స్ స్వాధీనం మరోసారి కలకలం రేపింది. కూకట్‌పల్లి శేషాద్రినగర్‌లో స్థానిక పోలీసులతో కలిసి SOT అధికారులు దాడులు నిర్వహించారు. సోదాల సమయంలో అధికారులు 3 గ్రాముల MDMA ను స్వాధీనం చేసుకున్నారు. అనంతరం డ్రగ్స్‌ విక్రయిస్తున్న రాజశేఖర్‌, శైలేష్‌రెడ్డిలను అరెస్టు చేశారు.

జగద్గిరిగుట్ట పోలీసులతో పాటు ఎస్‌వోటీ పోలీసులు తలసీనగర్‌లోనూ సోదాలు నిర్వహించారు. ఇద్దరు నిందితులు రోహిత్, తిలక్ సింగ్ నుంచి 45 గ్రాముల గంజాయి, 3 గ్రాముల MDMA స్వాధీనం చేసుకున్నారు. ఈ రెండు కేసులపై పోలీసులు కేసు నమోదు చేసి దర్యాప్తు చేస్తున్నారు.