రాష్ట్ర మంత్రుల మండలి సమావేశం ఈ నెల 21న జరగనుంది. సచివాలయంలో సీఎం రేవంతరెడ్డి అధ్యక్షతన జరగనున్న ఈ కేబినెట్ సమావేశంలో రైతులకు రుణమాఫీ, బీమా పాలసీపై ప్రధానంగా చర్చించే అవకాశం ఉంది. ఆగస్టు 15వ తేదీ వరకు రైతులకు వ్యవసాయ రుణాలు మాఫీ చేయాలని ప్రభుత్వం నిర్ణయించిన నేపథ్యంలో మంత్రివర్గంలో ఈ అంశంపై ప్రధానంగా చర్చకు అవకాశం ఉన్నట్లు తెలుస్తోంది.

రుణమాఫీకి దాదాపు రూ.30 వేల కోట్లు, రైతుల బీమాకు మరో రూ.7 వేల కోట్లు అవసరం కాబట్టి.. నిధులు ఎలా సమీకరించాలనే దానిపై కేబినెట్‌లో చర్చించి కీలక నిర్ణయం తీసుకోనున్నారు. అసెంబ్లీ సమావేశాలు, బడ్జెట్ నిర్మాణం, పంటల బీమాపై మంత్రుల బృందం చర్చించనున్న సంగతి తెలిసిందే.