స్టార్ హీరోయిన్ కత్రినా కైఫ్ 40 ఏళ్ల వయసులో కూడా కత్తి లాంటి అందంతో కట్టిపడేస్తుంది. ఇక సినిమాల విషయంలోనూ ఈ బ్యూటీ జోరు మాములుగా లేదు. ప్రస్తుతం ఆమె నటిస్తున్న మూడు చిత్రాలు 2025లో రిలీజ్ కాబోతున్నాయి. అయితే కొన్ని రోజులుగా కత్రినా కైఫ్ ప్రెగ్నెంట్ అంటూ తెగ వార్తలు వస్తున్నాయి. ఆ చికిత్స కోసమే ఆమె లండన్ వెళ్లిందంటూ టాక్ నడుస్తోంది. తాజాగా దీనిపై కత్రినా కైఫ్ టీమ్ రియాక్ట్ అయింది.

ప్రెగ్నెన్సీ వార్తలపై
కత్రినా కైఫ్ గర్భవతి కాదని ఓ పర్సనల్ పని మీద ఆమె లండన్ వెళ్లిందని సమాచారం. ఈ మేరకు కత్రినా కైఫ్ టీమ్ క్లారిటీ ఇచ్చింది. ఇక తన భర్త విక్కీ కౌశల్ కూడా త్వరలోనే లండన్ వెళ్తారని తెలిపింది.

ఇక దాదాపు 20 ఏళ్ల సినీ కెరీర్‌లో కేవలం రెండు తెలుగు చిత్రాలు మాత్రమే కత్రినా చేసింది. కెరీర్ తొలినాళ్లలో వెంకటేష్ సరసన 'మల్లీశ్వరి' చిత్రంలో నటించింది. ఇది ఆమెకి రెండో సినిమా కావడం విశేషం. ఈ చిత్రంలో ఆమె నటన, అందానికి తెలుగు ఆడియన్స్ ఫిదా అయిపోయారు. వెంకీ సరసన కత్రినా జోడి కూడా చాలా బాగా సెట్ అయింది. ఈ చిత్రం హిట్ కావడంతో కత్రినా తెలుగులో బిజీ అవుతుందని అంతా అనుకున్నారు. కానీ ఆ తర్వాత బాలకృష్ణతో 'అల్లరి పిడుగు' చిత్రంలో నటించింది. ఇది ఆశించిన విజయం సాధించకపోవడంతో టాలీవుడ్‌కి బైబై చెప్పేసి బాలీవుడ్‌లో సెటిల్ అయిపోయింది. వరుసగా సినిమాలు చేస్తూ స్టార్ హీరోయిన్ హోదాను దక్కించుకుంది. ముఖ్యంగా డ్యాన్సింగ్ క్వీన్‌గా కత్రినా మంచి పేరు తెచ్చుకుంది. చిక్కినీ చమేలీ, షీలా కీ జవానీ వంటి స్పెషల్ సాంగ్స్‌లో దుమ్మురేపింది. ఈ పాటలు ఆడియన్స్‌ను విపరీతంగా ఆకట్టుకున్నాయి. ఇప్పటికీ కత్రినాకి బడా సినిమాల్లో ఐటెం సాంగ్స్‌ కోసం తెగ ఆఫర్లు వస్తున్నాయి. కానీ పెళ్లి తర్వాత స్పెషల్ సాంగ్స్ జోలికి కత్రినా వెళ్లలేదు.