కేంద్ర మంత్రి కిషన్‌రెడ్డి ఇంటి వద్ద ఉద్రిక్తత..!

కేంద్ర మంత్రి కిషన్ రెడ్డి ఇంటి వద్ద ఉద్రిక్త వాతావరణం నెలకొంది. నీట్ పరీక్షను రద్దు చేయాలని డిమాండ్ చేస్తూ కాచిగూడలోని ఆయన ఇంటిని విద్యార్థి సంఘాల నేతలు ముట్టడించారు. కాంగ్రెస్ ఎమ్మెల్సీ బల్మూరి వెంకట్ ఆధ్వర్యంలో విద్యార్థి సంఘాలైన ఎన్‌ఎస్‌యుఐ, ఎస్‌ఎఫ్‌ఐ, ఎఐఎస్‌ఎఫ్‌, పిడిఎస్‌యు, డివైఎఫ్‌ఐ, ఎఐవైఎఫ్‌, పివైఎల్‌ నాయకులు ఇంటిని ముట్టడించేందుకు ప్రయత్నించారు. పోలీసులు వారిని అడ్డుకున్నారు.

ఈ క్రమంలో పోలీసులకు, విద్యార్థులకు మధ్య వాగ్వాదం చోటుచేసుకుంది. పరిస్థితి అదుపు తప్పడంతో ఎమ్మెల్సీ వెంకట్‌, విద్యార్థి సంఘాల నేతలను అరెస్టు చేశారు. వారిని నలకుంట పోలీస్ స్టేషన్‌కు తరలించారు. నీట్ అంశంపై కేంద్ర మంత్రితో సమావేశం ఏర్పాటు చేసేందుకు ప్రయత్నించగా, మంత్రి స్పందించకపోవడంతో హాస్టల్‌ను సీజ్ చేసినట్లు విద్యార్థి సంఘాల నాయకులు తెలిపారు.